مزايا وياي
مزايا يديدة تساعدك تحقّق أهدافك
اسبق غيرك بخطوة وياي، وفّرنا لك تكنولوجيا تخلّي معاملاتك البنكية أسهل وأسرع ⚡ وتقدر تعرف وين تروح مصروفاتك من خلال تصنيف معاملاتك لفئات مختلفة، مو بس چذي...طريقة التحويل بين ربعك وياي صارت فورية ومعاها لمستك الخاصة 😉
حدّد ميزانيتك عدل وتابع مصاريفك 👀
تقدر وياي تحدّد ميزانيتك وتعرف وين قاعد تصرف فلوسك علشان تتحكم بمصاريفك أول بأول وتديرها صح! وهم تقدر تعرض وتغيّر الفئات اللي تصرف عليها حسب اللي يناسبك ويناسب احتياجاتك!
✈ التحويلات الدولية وياي!
تقدر بتطبيق بنك وياي تضيف مستفيد بأي دولة، وتختار العملة بعد💲ولما تحط المبلغ...راح تشوف سعر الصرف!
"تواصل ويانا" بالتطبيق!
إذا عندك أي سؤال، استفسار، أو حتى اقتراح ودّك تقوله لنا... وفّرنا لك الحين خدمة "تواصل ويانا" اللي تخلّيك تقدر تتواصل مع مركز الحلول من خلال التطبيق على طول، بدون مكالمات ولا واتساب! وراح نرد عليك ونساعدك 24/7
وفّر واستفيد وياي 💰
حقّق أهدافك من خلال حصالات التوفير، بطريقة بسيطة وسريعة. تقدر تفتح لغاية 5 حصالات وتوفّر لك مبلغ عالجنب، حق شي بخاطرك! وسوّينا لك حصالة Pro تعطيك فايدة سنوية لغاية 1% تحصلّها على شكل فوايد شهرية نودعها بحصالتك Pro كل شهر.
شوف شلون
عيدك وياي 💸
تقدر الحين تستخدم خدمة "لنك العيدية" علشان تدز لنك تعايد فيه على أهلك وتطلب العيدية منهم أونلاين! لما توصل لهم المعايدة، راح يحدّدون المبلغ ويعطونك عيدية تدش بحسابك وياي على طول! 😍
تقسيم الفاتورة 💸!
تقدر وياي تقسّم فواتير العشا، قطية المخيّم، أو اللي تبي!
خل ربعك وياي 😎!
لأن احنا نبيك تستفيد من كل شي... دز لنك حق أهلك أو ربعك وخلهم يفتحون حساب وياي أو حساب جـيـل، أو يحولون إعانتهم وياي وراح تستفيدون من مكافآت كـاش
البطاقات الرقمية 🎮!
الحين تقدر تشتري البطاقات الرقمية اللي تحبها علشان تستمتع بالألعاب، الموسيقى أو حتى التسوّق. تبي بطاقات آيتونز، ستيم، أمازون أو حتى بلاي ستيشن، كل هذيل وأكثر بتحصّلهم الحين من خلال المحل الرقمي بالتطبيق.
ضيف مبلغ بثواني! ⚡
وياي خطواتك دايما سريعة، تقدر تزيد رصيدك عبر كي-نت بشكل سريع من خلال التطبيق! علشان تستخدم بطاقتك وتستمتع بالعروض المكافآت اللي يايبينها بس لك! 😉
التحويل فوري بين ربعك وياي! 👍
يبنا لك خاصية الظهور 😍 ومن خلالها تقدر تشوف ربعك اللي عندهم حساب وياي ومفعلين الخاصية، وتحولون حق بعض بشكل فوري وسريع!، فوق هذا تقدر تضيف لمستك الخاصة لأنك تقدر تكتب لهم مسج، تسجّل رسالة صوتية أو تضيف صورة لما تحوّل أو تطلب فلوس! 😉
شوف شلون
عندك سؤال؟ عندنا جواب
إذا كنت طالب وعمرك 15 سنة أو أكبر، عندك بطاقة مدنية كويتية، او تطبيق هويتي، وموبايل وما تبي تنطر دورك بالبنك، تقدر تكون جزء من وياي وتفتح لك حساب خلال دقايق.
نرحب بالكل! حتى لو كنت عميل الوطني حيّاك الله.
ما يبيلها شي! تصور بطاقتك المدينه او من خلال تطبيق هويتي, تجاوب جم سؤال وتكون خالص
راح تودّع معاملاتك المصرفية التقليدية مع وياي، البنك الرقمي الأول بالكويت.
نفتح لك أبواب المستقبل، نرفع طموحك لمستويات جديدة ونساعدك تطلع طاقتك وتحقق أهدافك المالية... وهذا كله من موبايلك. خلني أعلمك شلون...
عملية فتح الحساب رقمية 100% وفورية. راح تطلّع بطاقتك المصرفية بشكل فوري واحنا نوصلها لك وتقدر تتابعنا واحنا نوصلها لك. حمّل تطبيق وياي وشوف الخطوات المطلوبة منك وخلال دقايق راح يصير عنك حساب وياي.